ქარვისფერი ღვინის ფესტივალი ვერონაში 3 აპრილს გაიმართა. ამ ღონისძიებაზე ბუნებრივი წარმოების ქარვისფერი ღვინის საკმაოდ დიდი არჩევანი და მრავალფეროვნება დახვდათ სტუმრებს. გასულ ათწლეულში ფესტივალი ჩატარდა იზოლაში (სლოვენიაში) და ვენაში, რასაც საკმაოდ მზარდი ინტერესი და განვითარება მოჰყვა ქარვისფერი ღვინის მწარმოებლებისა და ამ კატეგორიის ღვინით დაინტერესებულ ადამიანებისგან. ფესტივალი ასევე ორჯერ იყო წარმოდგენილი Vinitaly-იზე ვერონაში, იტალიაში, შენჯენში (ჩინეთში) კი Wine to Asia Fair-ზე მასტერკლასები გაიმართა.
3 აპრილს, ისევ ვერონაში, Vinitaly-ის ფარგლებში ქარვისფერი ღვინის ფესტივალი ჩატარდა, რომლის, ასე ვთქვათ, გაგრძელებაც, 28 აპრილს იქნება სლოვენიაში, იზოლაში, მანციოლის მოედანზე: "საქართველოსთან, ღვინის სამშობლოსთან და ქარვისფერი ღვინის კულტურის პირველ მწარმოებელ ქვეყანასთან ერთად სხვა მნიშვნელოვანი ღვინის რეგიონებიც იქნებიან წარმოდგენილნი ჩრდ. ადრიატიკიდან ცენტრალურ ევროპამდე. ფესტივალი ქარვისფერი ღვინის შესახებ ცნობადობის გაზრდასა და ამ ნიშური პროდუქციის ტენდენციების წამოწევას ემსახურება ღვინის სფეროში. ფერსტივალის ასეთი (ნატურალური) სახე საკმაოდ მნიშვნელოვანია მართთვისაც, ვისაც მხოლოდ ნატურალური პროდუქციის მიღება სურს." - ვკითხულობთ მათ გვერდზე.
საქართველოდან წარმოდგენილი იყო 3 ღვინის კომპანია
"დორემი", რომელთაც წარმოადგინეს შემდეგი ღვინოები:
რქაწითელი-მწვანე, 2022
ჩინებული, 2022
მწვანე, 2021
ქისი, 2021
მარანი "ოჩო":
ჩინური, 2022
გორული მწვანე, 2022
მწვანე, 2021
რქაწითელი, 2022
ღვინის მარანი "იორა":
რქაწითელი, 2022
ქისი ბუერა, 2022
რქაწითელი ქისი, 2022
რქაწითელი კახური მწვანე, 2022
ფესტივალზე მთლიანობაში წარმოდგენილი იყო 250 პრემიუმ ხარისხის ქარვიფერი ღვინო 70-ზე მეტი მწარმოებლისგან. საქართველოს გარდა ღვინოები წარმოადგინა სლოვენიამ, იტალიამ, ავსტრიამ, ხორვატიამ, ჩეხეთმა, უნგრეთმა, სერბეთმა და საბერძნეთმა. წელს ვერონაში ფესტივალს ორგანიზატორებმა 1300 კვადრატულ მეტრზე მეტი ფართობის ცენტრალური სადეგუსტაციო დარბაზი დაუთმეს, სადაც ყველაზე გახმაურებული ბაზრობების პრეზენტაციები იმართება.
© ღვინის კლუბი/vinoge.com