გასულ კვირას სომელიეთა საერთაშორისო ასოციაციის მიერ ჩატარებულ კონკურსში, რომელიც პარიზში გაიმართა, ლატვიელმა რაიმონდს ტომსონსმა გაიმარჯვა.
სომელიეთა კონკურსი ოთხი დღის განმავლობაში მიმდინარეობდა და 68 მონაწილიდან ფინალში საუკეთესოდ დასახელდა სამი: რიზ ჩოი (Reeze Choi) ჩინეთიდან (მესამე ადგილი), ნინა იენსენი (Nina Jensen) დანიიდან (მეორე ადგილი) და რაიმონდს ტომსონსი (Raimond Tomsons) ლატვიიდან (პირველი ადგილი).
აღსანიშნავია, რომ ტომსონსი, რომლის სამშობლო ლატვიაც არაა ცნობილი ღვინოსთან დაკავშირებული ტრადიციებითა და კულტურით, 2019 წლის სომელიეთა კონკურსშიც იღებდა მონაწილეობას, სადაც მესამე ადგილი დაიკავა.
© ღვინის კლუბი/vinoge.com