სოდით და წყლით რეცხვა „კერხერით“
კერხერი უნდა ამუშავოთ ცოტა გაშლილად და არა ბეტონის ამყრელი სხივით.
გაშლა უნდა იყოს ისეთი, რომ დაახლოებით 15 სანტიმეტრში ხელი გატკინოთ, მაგრამ არ დაგიზიანოთ.
1. სუფთა წყლით რეცხეთ მანამ, სანამ ამოღებული წყალი ვიზუალურად გამჭვირვალე/სუფთა არ გახდება.
2. სარეცხი სოდის 10%-იანი ხსნარი (ანუ 1კგ სოდა 10 ლიტრ წყალში გახსენით) ჩაასხით ქვევრში და შემდეგ კერხერით სცადეთ ამოღება და რეცხვა. მნიშვნელოვანია, რომ ამ ჩასხმული ხსნარით რეცხოთ და ატრიალო ეს ხსნარი ქვევრშივე.
(სარეცხი სოდა: ნატრიუმის კარბონატი, ანუ „კალცირებული სოდა“, იყიდება ვაჟაზე ქიმ-რეაქტივების მაღაზიებში, რასპუბლიკურთან, ვისოლის ბენზინგასამართი სადგურის მოპირდაპირე მახარეს)
3. ამ ხსნარით რეცხეთ დაახლოებით 10-15 წუთი ისე, რომ მაღალი წნევით გაირეცხოს ახლოდან (10-15 სანტიმეტრიდან) ყველა ადგილი, ანუ კედელი, ყელი, თავი, ფსკერი, სადაც ღვინო/წვენი შეიძლება შეეხოს.
4. ეს ხსნარი თეთრია. თუ რეცხვის დროს ფერს შეიცვლის და მონაცრისფრო-მოშავო გახდება, გამოცვალეთ და ახალი ხსნარი ჩაასხით. გააგრძელეთ რეცხვა მანამდე, სანამ ფერს აღარ შეცვლის.
(შენიშვნა: ქვევრის თიხის გამო ხსნარმა შეიძლება ოდნავ მოყავისფრო ფერი მიიღოს, რაც ნიშნავს რომ სუფთაა. მთავარია მონაცრისფრო-მოშავო შეფერილობა გაქრეს )
5. ბოლოს, როცა დარწმუნდებით, რომ
დატოვეთ ხსნარით დასველებული ქვევრი 1 საათი ხელუხლებელად.
6. 1 საათის შემდეგ სუფთა წყლით რეცხეთ ქვევრი მანამდე, სანამ სრულად არ მოაშორებთ სოდას. თუ მონაცრისფრო-მოშავო შეფერილობა ისევ შეამჩნიეთ, რეცხვა გაიმეორეთ.
(შენიშვნა: სოდის ხსნარის მოშორებას შეიძლება დასჭირდეს ბევრი წყლის გამოვლება. იხმარეთ კერხერის წნევაც და აგრეთვე უწნევო ნაკადითაც გამოავლეთ)
ლიმონმჟავითა და გოგირდით სტერილიზაცია
1. აცალე ქვევრში დაიწრიტოს სუფთა წყალი, შემდეგ კი ფსკერი ამოამშრალეთ მდუღარეში გავლებული (ან მოხარშული) სუფთა ბამბის ნაჭრით.
2. გაამზადეთ 4%-იანი ლიმონმჟავისა და 1%-იანი გოგირდის ხსნარი, ანუ 400 გრ. ლიმონმჟავა და 100 გრ. გოგირდი 10 ლიტრ წყალში გახსენით, და მოავლეთ ქვევრის ყველა ადგილს/ნაწილს სადაც სითხე (წვენი, ღვინო) შეიძლება შეეხოს.
(მე ამისთვის ვენახის საწამლ აპარატს ვიყენებ)
3. 1 საათის მერე ისევ სუფთა წყლით რეცხეთ ქვევრი მანამდე, სანამ სრულად არ მოაშორებთ გოგირდს და ლიმონმჟავას. სუნით შეატყობთ და გემოთიც, როცა სრულად მოშორდება. შეგიძლიათ „კერხერი“ არ გამოიყენოთ და უბრალოდ კარგი ჭავლით ჩარეცხოთ. დაწრეტის შემდეგ ფსკერი ამომაშრალეთ ისე, როგორც პუნქტ 7-შია აღწერილი.
© ღვინის კლუბი/vinoge.com