30 აპრილს კომპანია "თელიანი ველის" წარმომადგენლებმა 10 პროფესიონალ სომელიეს საზეიმო ვითარებაში გადასცეს დიპლომები, რითაც მათ მიერ წარმატებულად გავლილი კვალიფიკაციის ასამაღლებელი კურსის დასრულება აღინიშნა.
სპეციალურად შერჩეულმა სომელიეებმა "თელიანი ველის" ინიციატივითა და დაფინანსებით სამი კვირის განმავლობაში გაიარეს პროფესიული კურსი კავკასიის სასტუმროების და რესტორნების მენეჯმენტის კოლეჯში. თბილისის საუკეთესო რესტორნებსა და კაფეებში დასაქმებული პერსონალის სწავლება კომპანიამ სრულად დააფინანსა. ბოლო გასვლითი ლექცია სტუდენტებს თელავში, "თელიანი ველის" ღვინის ქარხანაში ჩაუტარდათ. იქვე მოხდა დიპლომების საზეიმო გადაცემაც.
© მადიანი/vinoge.com
