San Francisco Chronicle მექსიკის, სომხეთის, საბერძნეთისა და საქართველოს ღვინის ბარებზე წერს, შედარებით ნაკლებადცნობილ ღვინის ქვეყნებზე, რომელთა შორის ჯერ კიდევაა საქართველო. თუმცა აღსანიშნავია, რომ დღითიდღე უფრო და უფრო მეტი ადამიანი იცნობს ჩვენს ღვინოებს მსოფლიოში. როგორც სტატიიდან ვკითხულობთ, ქვემოთჩამოთვლილმა ღვინის ბარებმა გახსნისთანავე პოპულარობა მოიპოვა სან ფრანსიკოში. მაგალითად, Cantina LOs Mayas 1 თვის წინათ გაიხსნა სან ფრანცისკოში და ის პირველი ბარია, რომელიც მხოლოდ და მხოლოდ მექსიკურ ღვინოებს აწვდის მომხმარებელს.
Souvla-მ გახსნა ყველაზე დიდი ობიექტი, რომელიც ბერძნული ღვინოების ძალიან დიდ არჩევანს სთავაზობს ღვინის მოყვარულებს. მარინაში სომხური ღვინის ბარი გაიხსნა, ხორვატიული ღვინის ბარი Yugobar კი მალე ამუშვდება. ამასობაში კი ქართული Piala ამერიკელ მომხმარებელს ქართულ ღვინოს შესთავაზებს, რქაწითელს, საფერავსა და სხვას: “გარკვეული თვალსაზრისით ახალი ღვინის ბარები იმის მტკიცებულებაა, რომ Bay Area უფრო და უფრო მეტ მიმზიდველ კონცეფციას მოითხოვს. ახლა ბევრად დიდი არჩევანის წინაშე დადგება ღვინის მოყვარული ადამიანი და ალბათ არჩევანსაც რთულად გააკეთებს, რომელ ღვინის ბარში წავიდეს და გასინჯოს ღვინო”.- წერს ავტორი.
აღსანიშნავია კალიფორნიის ჩრდილოეთ რეგიონში მომხმარებელთა გაზრდილი ინტერესი ამ ზემოთჩამოთვლილი ღვინის რეგიონების მიმართ, მიუხედავად იმისა, რომ, როგორც ჩანს, არც ისე ზედმიწევნით იციან ღვინო.
სომხურ, ბერძნულ და ქართულ ღვინოებს არ იცნობდა ამერიკელი საზოგადოება ძალიან დიდ ხანი, მაგრამ ამ ბოლო დროს სურათი შეიცვალა უფრო მეტი იმპორტიორის გამო. როგორც Cantina Los Mayas-ის დამფუძნებლები საუბრობენ, თუ ადრე მხოლოდ ერთ მექსიკურ დისტრიბუტორთან ჰქონდათ შეხება, ახლა ოთხი სხვადასხვა მიმწოდებელი ჰყავთ. სტატიას შეგიძლიათ San Francisco Chronicle-ის გვერდზე გაეცნოთ.
© ღვინის კლუბი/vinoge.com