ინტერნეტ–გამოცემა The Ingredient–ში კიდევ ერთი პუბლიკაცია მიეძღვნა ქართულ ღვინოს, უფრო კონკრეტულად კი ქვევრს. ისინი სოფელ ტყემლოვანაში ქვევრის ოსტატ გოგი ჩინჩალაძეს ეწვივნენ.
სტატიაში მექვევრე დეტალურად უხსნის სტუმრებს ქვევრის შენების პროცესს, საუბრობს გაშრობისა და ახალი ფენის დამატების დროზე. თუკი წვიმიანი ამინდია, ყველაფერ ამას მეტი დრო სჭირდება, მზიან ამინდში კი ქვევრი უფრო მალე შენდება. მექვევრე მონიშნავს მუშაობის პერიოდსაც, დაახლ. მაისიდან – ოქტომბრამდე. წერილში მოთხრობილია თიხის შემადგენლობისა და მინარევების შესახებაც, მის კონსისტენციაზე, ქვევრის გამოწვაზე, გამოსანთვლაზე, ფასებზე. ფასისა და ანაზღაურების თემას ავტორი კიდევ უფრო უღრმავდება და იმერულ სუფრასთან ჩამომჯდარი, ხელში სავსე ჭიქით, დასკვნას აკეთებს: “სიმდიდრეს არაფერი აქვს საერთო ფულთან”.
© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი
Photos © The Ingredient
