საქართველო 2009 წლის ბოლომდე ღვინით ვაჭრობის მსოფლიო ჯგუფს შეუერთდება, რაც ქართულ ღვინოს ახალი ბაზრების ათვისების საშუალებას მისცემს და მის საექსპორტო პოტენციალს კიდევ უფრო გაზრდის.
სოფლის მეურნეობის სამინისტროს ინფორმაციით, ამ დროისთვის საქართველო ჯგუფის წევრობისთვის ყველა კრიტერიუმს აკმაყოფილებს. გარდა ამისა, ქვეყანაში დაცულია ღვინის წარმოების წესები და ღვინის ეტიკეტირება თანამედროვე სტანდარტებით ხორციელდება.