– როდის გადაწყვიტეთ მარნის დაარსება და რა იყო ამის მიზეზი?
– ჩვენი მარანი 2015 წელს დაარსდა. მიზეზი კი ღვინის სიყვარული და ამ სფეროში წვლილის შეტანის სურვილი გახლდათ.
– ვაზის რომელი ჯიშები გაქვთ გაშენებული და კიდევ რომელ ჯიშებზე აპირებთ ყურადღების გამახვილებას?
– ქისი, ხიხვი, საფერავი.
– რა ღვინოებს აწარმოებთ და რითაა გამორჩეული თქვენი ღვინო?
– ამ ეტაპზე ვაწარმოებთ ორგანულ ქვევრის ღვინოებს.
– გაიხსენეთ საქართველოში ღვინის გაყიდვის თქვენი პირველი გამოცდილება, რომელ მაღაზიებთან გქონდათ ურთიერთობა?
– პირველად „8000 მოსავალში“ დავიწყეთ გაყიდვა, რომელმაც დიდი ინტერესი გამოიჩინა ახალდაარსებული მარნების მიმართ.
– გადის თუ არა თქვენი ღვინო უცხოეთის ბაზარზე?
– შვეიცარია, იტალია, უკრაინა.
– რა სახის სირთულეები შეგხვედრიათ თქვენს საქმიანობაში? რა უნდა დაიხვეწოს ყველაზე მეტად ღვინის სფეროში?
– ყოველდღიურად ჩვენი გუნდი ახალ სირთულეებს აწყდება, თუმცა მონდომების საფუძველზე ვახერხებთ სირთულეების დაძლევას. ეს ყოველივე გვაძლევს საშუალებას მივიღოთ გამოცდილება და დავხვეწოთ ჩვენი პროდუქტის ხარისხი.
– თქვენი აზრით, რა არის ყველაზე მნიშვნელოვანი ფაქტორები თანამედროვე ქართული ღვინის კულტურის განვითარებისთვის?
– ჩვენ ვფიქრობთ, რომ ყურადღება უნდა მიექცეს ქართული პროდუქტის წარმოებას და ღვინის კომპანიებმა მეტწილად შესთავაზონ ქართული ტრადიციული წესით დაყენებული ღვინო მომხმარებელს, რათა მოხდეს ქართული ღვინის პოპულარიზაცია.
– რას ურჩევდით დამწყებ მევენახე–მეღვინეებს?
– აკეთონ საქმე მთელი მონდომებით და დაიხარჯონ ბოლომდე, რადგან, ხომ იცით, როგორი გულითაც დააყენებ ღვინოს, ისეთი გამოვა.
მარნის დასახელება: ტრადიციული
მარნის მისამართი: კახეთი, სიღნაღი
ტელეფონი: +995 591 068 477
ელფოსტა: info@traditsiuli.ge
ვებგვერდი: traditsiuli.ge
ფეისბუკ გვერდი: https://www.facebook.com/Traditsiuli/
© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი