იმერეთში, ბაღდათის რაიონის სოფელ მეორე ობჩაში მოყვანილი ციცქადან და ცოლიკოურიდანაა დაყენებული ეს ღვინო. ძალიან ცოცხალი და ხალისიანია, ბუშტუკებით. მოოქროსფრო ჩალისფერია, ციტრუსებისა და ყვითელი ხილის სასიამოვნო არომატებით. მოგვიანებით ძალზე მკვეთრად გამოდის მსხლის სურნელებიც. მაღალი და სასიამოვნო მჟავიანობის მქონე გემრიელი, გამჭოლი ღვინოა.
© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი