სინას ნახევარკუნძულის სამხრეთით, ჰებელ აბასში, კიდევ ერთი უძველესი მარანი აღმოჩნდა. იგი ბიზანტიურ ეპოქას მიეკუთვნება, შესაძლებელია, ჩვ. წ. VI საუკუნეს.
მარანი შედგება კვადრატული ფორმის მოწყობილობისგან, სადაც წურავდნენ ყურძენს. მობათქაშებულ კედლებსა და ფსკერს ახლაც ეტყობა ყურძნის მარცვლების ვარდისფერი კვალი. ფსკერზე დატანებული ჰქონდა თიხის მილი, საიდანაც დაწურული სითხე მრგვალი ფორმის ქვის ჭურჭელში გადადიოდა. აქვე აღმოჩენილია ღვინის შესანახი ქვევრები. ისტორიული დოკუმენტები ადასტურებს, რომ ძველად ამ ადგილას ვენახები იყო გაშენებული.
© vinoge.com
