ყვარლის რაიონის სოფ. ბალღოჯიანში გაშენებული 50 წლოვანი რქაწითლიდანაა ღვინო დაყენებული. 6 თვე ქვევრში გაატარა, ჭაჭაზე. ქარვისფერი ღვინოა, მწიფე ვაშლის, ქაცვის, ატმის ჩირის და მცირედი ტკბილი სუნელების არომატებით. გემოზე სასიამოვნო, გაწონასწორებული ტანინები ახასიათებს, მჟავიანობაც საკმაოდ მაღალი აქვს. ელეგანტური, შედარებით დახვეწილი კახური ქვევრის ღვინოა.
© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი