ამ მცირე მარნის მიერ დაყენებული საფერავი კარდანახში მოყვანილი ყურძნიდანაა ქვევრში დადუღებული და დავარგებული. ინტენსიური შეფერვა აქვს, როგორც ხშირად, კარდანახულ საფერავებს და ეფექტური, კარგად გამოხატული არომატები. სურნელებში უმთავრესაც შავი ხილისა და კენკრის ტონებს იგრძნობთ – მწიფე მაყვალს, ჩაჭყლეტილ ალუბალს. ხასიათიანი, ძლიერი ტანინების და სავსე გემოს მქონე ღვინოა, საკმარისი მჟავიანობითა და კარგი დაბოლოებით. ახალგაზრდა ღვინოა, რომლის პირველივე ყლუპზეც იგრძნობა ხასიათი.
© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი