8 ოქტომბერს საქართველოს სომელიეთა ასოციაციამ “ქართული ღვინის ეროვნული კონკურსი 2017”-ის გამარჯვებულები გამოავლინა. ღონისძიება ქართული ღვინის კვირეულის ფარგლებში ჩატარდა. კონკურსის მხარდამჭერია საქართველოს სოფლის მეურნეობის სამინისტრო, სსიპ ღვინის ეროვნული სააგენტო, თბილისის მერია და ტურიზმის ეროვნული ადმინისტრაცია.
ქართული ღვინის ეროვნული კონკურსი უკვე მეოთხედ ჩატარდა და მისი მიზანი საქართველოში წარმოებულ ღვინოებს შორის საუკეთესოს გამოვლენაა.
კონკურსის საზეიმო დაჯილდოებაზე საქართველოს სომელიეთა ასოციაციის მიერ დაწესებული “ქართული ღვინის ორდენი“-ს სამი კავალერი დასახელდა:
1. სტივენ სპურიე, საქართველოს ღვინის სამშობლოდ აღიარებაში შეტანილი განსაკუთრებული წვლილისათვის;
2. ახალი ღვინის ფესტივალი (იაგო ბიტარიშვილი და მალხაზ ხარბედია) - ღვინის მცირე მეწარმეობის განვითარებასა და პოპულარიზაციაში შეტანილი განსაკუთრებული წვლილისათვის.
3. საფრანგეთის ქალაქ ბორდოში, ღვინის მსოფლიო ცივილიზაციის ცენტრში (La Cité du Vin) ქართული ღვინის ისტორიისა და კულტურის წარმოჩენისა და გამოფენის - „საქართველო - მევენახეობის აკვანი" ორგანიზებისთვის ქართული ღვინის ორდენები გადაეცათ: საქართველოს სოფლის მეურნეობის სამინისტროს, სსიპ ღვინის ეროვნულ სააგენტოს, საქართველოს ეროვნულ მუზეუმს და საქართველოს ინტელექტუალური საკუთრების ეროვნულ ცენტრს „საქპატენტს“.
კონკურსის პროფესიული ჟიურის წევრები ენოლოგები და სომელიეები იყვნენ. წელს ჟიურის ორი თანათავმჯდომარე ჰყავდა: შალვა ხეცურიანი (საქართველოს სომელიეთა ასოციაციის პრეზიდენტი, „მარანი ხეცურიანის“ დამფუძნებელი) და სტივენ სპურიე - მსოფლიოში ცნობილი ბრიტანელი ღვინის ექსპერტი, ჟურნალ “დეკანტერი”-ს (Decanter) კონსულტანტ-რედაქტორი, საფრანგეთში ღვინის აკადემიის (L’Academie du Vin) და კრისტის (Christie's) ღვინის კურსების დამფუძნებელი, ღვინის წიგნების ავტორი.
კონკურსში ღვინისა და ალკოჰოლური სასმელების მწარმოებელთა უმრავლესობა, მათ შორის - მცირე მარნებიც მონაწილეობდა. დაჯილდოების ცერემონიაზე 19 კატეგორია იყო წარმოდგენილი, ყოველ მათგანში კი ფინალში გასული ღვინოების რეიტინგი შედგა. გამარჯვებულებს გადაეცათ სპეცილური დიპლომები და პრიზები, რომელიც საგანგებოდ კონკურსისთვის შეიქმნა.
ღონისძიებაზე თბილისის ღვინის სკოლის (მათ შორის, WSET-ის) კურსდამთარებულებს სერტიფიკატები გადაეცათ. ცერემონიაზე საქართველოს სომელიეთა ასოციაციამ სომელიეს სტატუსი მიანიჭა სოფო კობაიძეს და ნათია ლომიძეს, ხოლო ასისტენტ სომელიეს სტატუსი - მარიამ ლეკიშვილსა და ირაკლი ნონიაშვილს. პროექტის პარტნიორები არიან: საქართველოს სოფლის მეურნეობის სამინისტრო, ღვინის ეროვნული სააგენტო, ქ. თბილისის მერია, ტურიზმის ეროვნული ადმინისტრაცია, სასტუმრო Rooms Tbilisi, სასტუმრო IotaTbilisi და Fabrika.
გამარჯვებული ღვინოები:
1. საუკეთესო წინანდალი
კახური ღვინის მარანი - წინანდალი 2010
კონჭო და კომპანია - წინანადალი 2013
2. საუკეთესო მწვანე
კახური ღვინის მარანი - მანავის მწვანე 2014
შუმი - მწვანე 2013
3. საუკეთესო რქაწითელი
მათრობელა - რქაწითელი 2016
4. საუკეთესო თეთრი ღვინო
შატო მუხრანი - საიდუმლო კოლექცია 2015
5. საუკეთესო ვარდისფერი ღვინო
თელიანი ველი - საფერავი ვარდისფერი ღვინო 2015
6. საუკეთესო წითელი მშრალი ღვინო
შატო მუხრანი - საიდუმლო კოლექცია 2014
კონჭო და კომპანია - ალექსანდროული 2014
7. საუკეთესო წითელი ნახევრადმშრალი და ნახევრადტკბილი ღვინო
იკანო - საფერავი/მერლო ნახევრადტკბილი ღვინო 2015
8. საუკეთესო საფერავი
ტიფლისკი ვინნი პოგრებ - საფერავი 2016
თელიანი ველი - საფერავი 2016
9. საუკეთესო მუკუზანი
კონჭო და კომპანია - მუკუზანი 2013
10. საუკეთესო პრემიალური საფერავი
ქართული ღვინის სახლი - საფერავი 2015
11. საუკეთესო ხვანჭკარა
თბილღვინო - ხვანჭკარა 2016
12. საუკეთესო ქინძმარაული
შილდა - ქინძმარაული 2015
13. საუკეთესო უსახელოური
შილდა - უსახელოური 2015
14. საუკეთესო ქვევრის ბუნებრივი ქარვისფერი ღვინო
თორნიკე მეტრეველი - რქაწითელი ქვევრის 2015
შატო სვანიძე - რქაწითელი ქვევრის 2013
დათო ჩიხლაძე - კახური მწვანე ქვევრის 2015
15. საუკეთესო ქვევრის ბუნებრივი წითელი ღვინო
პაპუნას მარანი - საფერავი 2016
პეტრიაანთ მარანი - საფერავი 2016
შაქარაშვილი - საფერავი 2016
დორემი - ოჯალეში 2016
თეგანი - საფერავი 2016
16. საუკეთესო ქვევრის ქარვისფერი ღვინო
დანიელი - ქისი 2016 ვინეპონტო - ხიხვი 2016
გავაზი ქვევრის თეთრი - 2013
ვინეპონტო - ქისი 2016
17. საუკეთესო ქვევრის წითელი ღვინო
ქვევრის ღვინის მარანი - საფერავი 2016
კონჭო და კომპანი - საფერავი 2013
ვინივერია - საფერავი 2014
შუხმან ვაინს ჯორჯია - საფერავი 2015
გავაზი ქვევრის წითელი- 2010
ვიტა ვინეა საფერავი 2015
18. საუკეთესო ჭაჭა
თელიანი ველი - ჭაჭა ვერცხლი
19. საუკეთესო ჭაჭა, დავარგებული
კახური ღვინის მარანი - ჭაჭა დავარგებული
დიპლომატების ჟიურის რჩეული ღვინოები:
1. საუკეთესო წინანდალი
გავაზი - წინანდალი 2014
2. საუკეთესო ვარდისფერი ღვინო
თელიანი ველი - საფერავი როზე ნახევრად მშრალი 2015
3. საუკეთესო პრემიალური საფერავი
შილდა - ნაფარეული 2015
4. საუკეთესო ქვევრის ქარვისფერი ღვინო
ჩელთი - რქაწითელი/მწვანე 2016
5. საუკეთესო ქვევრის წითელი ღვინო
ქვევრის ღვინის მარანი - საფერავი 2016.
© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი 2017.