პეტრიაანთ მარნის მწვანე კახურს უკვე კარგად იცნობს ღვინის ცნობისმოყვარე მოყვარული. ესეც ზემო ხოდაშნური მწვანეა, ძლიერი, ხასიათიანი, ქვევრში 6 თვის მანძილზე ჭაჭაზე და კლერტზე დავარგებული. სასიამოვნო ქარვისფერია და მკვეთრი მცენარეული არომატები აქვს – ქონდარი, იმერული ზაფრანა, შავი ჩაი. კახური ღვინისთვის ყველაზე სასურველი ალკოჰოლით ხასიათდება (13,5%), საგრძნობი ტანინები და კარგი, ხალასი მჟავიანობა აქვს. ღვინოს დაბოლოებაც განგრძლივი და ნიუანსებიანი აქვს.
© ღვინის კლუბი/vinoge.com