იმერეთში, ობჩაში დაკრეფილი ციცქადანაა ღვინო დაყენებული, ტრადიციული წესით, ქვევრში. თვალი დასხმისთანავე შეამჩნევს მცირედ ცქრიალს, რაც ხშირადაა ხოლმე დამახასიათებელი ამ ჯიშიდან დაყენებული ღვინისთვის. მოოქროსფრო–ჩალისფერია, თეთრი ქლიავისა და თხილის არომატებით. გემოზე გამჭოლი მჟავიანობითა და ხასიათით გამოირჩევა, რომელსაც გრილი დაბოლოება აგვირგვინებს.
© ღვინის კლუბი/vinoge.com