დაიწყო საკონკურსო მასალების მიღება ყოველწლიურ Concours International des Vins Biologiques–ზე, რომელიც წელს პარიზში 21–ჯერ გაიმართება. შედეგები 15 მაისს გამოცხადდება.
ამ კონკურსმა, სახელწოდებით „ამფორა“, უკვე დიდი მასშტაბები მიიღო. თუკი დასაწყისში მონაწილეთა რიცხვი საკმაოდ მცირე იყო, გასულ წელს, უკვე 700 ბიო, ბიოდინამიკური თუ ნატურალური ღვინო იყო წარმოდგენილი გასასინჯად, რომელსაც კომპეტენტური ჟიური განიხილავდა. გამოიცა გზამკვლევი, დაიწერა საინფორმაციო სტატიები და ა.შ.
კონკურსი 1996 წელს დაფუძნდა ღვინის ჟურნალისტის, პირ გიგის (Pierre Guigui) ინიციატივით და იგი დღემდე მსოფლიოს ერთ–ერთ უმნიშვნელოვანეს ღონისძიებად მიიჩნევა ამ მიმართულებით, სადაც მონაწილეობას იღებენ ბიო ღვინის ყველაზე ცნობილი მწარმოებლები საფრანგეთიდან, ესპანეთიდან, იტალიიდან და სხვ. ქვეყნებიდან.
© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი