უკვე ტრადიციად იქცა იანვარ–თებერვალში ქართველი ნატურალისტი მეღვინეების ვიზიტი საფრანგეთის მეღვინეობის სხვადასხვა მხარეში. წელს იაგოს ღვინო, ნიკოლაძეების მარანი, ოქროს ღვინო, ხოხბის ცრემლები, ნიკი ანთაძის მარანი და კორტავების მარანი ეწვია საფრანგეთს და პირველი ღონისძიება 31 იანვარს გამართეს ტულუზაში, სახელწოდებით Le Temps des Vendanges. გუშინ ქართველი მეღვინეები ლიონში, სპეციალურ დეგუსტაციაზე წარადგენდნენ თავიანთ ღვინოს, დღეს კი ბურგუნდიაშიც შეივლიან ადგილობრივი ნატურალისტი მეღვინეების მოსანახულებლად.
უმთავრესი ღონისძიებები 4–6 თებერვალსაა დაგეგმილი. ამ დროს ლუარის მხარეში ნატურალისტი მეღვინეების ორი უმნიშვნელოვანესი ფორუმი იმართება, Les Pénitentes, ანჟერში და La Dive Bouteille სომიურში. გარდა ამისა, კიდევ ერთი ღონისძიება იგეგმება ლუარის მხარეში 7–8 თებერვალსაც.
© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი