ამ ახალ მცირე მარანს ორი ღვინო აქვს, რქაწითელი და ქისი. კონდოლში მოწეული ქისიდანაა ეს ღვინო დაყენებული, ქვევრში, კახური წესით. საკმაოდ მუქი, ინტენსიური ქარვისფერია, მოტკბო პირველი სურნელებით, სადაც ადვილად ამოიცნობთ მწიფე უნაბს, ფინიკს და ნიგვზის ზეთის არომატებს. გემოზე ხალასი და ცოცხალი ღვინოა, ძლიერი და ჩამოყალიბებული ტანინებით, საინტერესო, სასიამოვნო და საკმაოდ ხანგრძლივი დაბოლოებით.
© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი