საქართველოს სამომხმარებლო ბაზარზე ფასების მატების ტენდენცია გრძელდება. ლარის დევალვაციის გამო ახალი წლის შემდეგ საქართველოს ქსელში თავისი პროდუქციის გაძვირებას აპირებს ღვინის კომპანია “ქინძმარაულიც“.
როგორც რადიო “კომერსანტს“ კომპანიიდან აცნობეს, აღნიშნულთან დაკავშირებით ამჟამად კომპანიის ფინანსისტები მუშაობენ.
დღეისათვის ქართულ ბაზარზე “ქინძმარაულის“ ღვინოები 7–დან 17 ლარამდე მერყეობს, თუმცა რამდენით გაძვირდება პროდუქცია ახალი წლის შემდეგ, კომპანიაში ჯერ ვერ აკონკრეტებენ.
რადიო “კომერსანტი“
