წლევანდელი ახალი ღვინის ფესტივალი ამ ღვინით გაიხსნა. იგი თერჯოლის რაიონის სოფელ ზედა საზანოში, კოოპერატიული მარნის მიერაა დაყენებული. ყურძენი დაკრეფილია იმავე სოფელში, მდინარე ძუსას მარცხენა ნაპირზე. ინტენსიური შეფერვის ძალზე ხალასი ახალგაზრდა ღვინოა, ოცხანური საფერეს ნაცნობი არომატებით, სადაც მცენარეული (მოთიბული ბალახი, მწვანე ყლორტები) და ანწლის ტონები დომინირებს. ამ ახალგაზრდა, მაღალმჟავიან ღვინოს დავარგების შემდეგ კიდევ უფრო მეტი საინტერესო ნიუანსი გამოუჩნდება.
© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი