ქვემო ქართლში, სოფ. თამარისში მოყვანილი მწვანე კახურის ჯიშიდან დაყენებული ღვინოა. ინტენსიური ქარვისფერია, ცეცხლისფერიც ეთქმის. სურნელებში ატმის ჩირის, ხმელი ფოთლებისა და ყვავილოვანი არომატები დომინირებს, რომელსაც გემოზე ძახველის, შემწვარი კომშისა და გრეიპფრუტის კანის ტონები ემატება. საკმაოდ მრავალფენიანი ღვინოა, ყოველ ყლუპზე ახალი გემო იხსნება. ხანგრძლივი დაბოლოებით ხასიათდება.
© ღვინის კლუბი/vinoge.com