ახმეტის რაიონის სოფელ ბაბანეურში დაკრეფილი საფერავიდანაა ღვინო დაყენებული. ძალზე ინტენსიური შეფერვის, სრულიად გაუმჭვირვალე ღვინოა, მუქი ჟოლოსფერი. სურნელში ანწლის მძაფრი არომატი ჩანს, რომელსაც თანდათან ერწყმის შავი ბალი და მცენარეული ტონები. გემოზე ძალიან ძლიერია, ახალგაზრდა, მძაფრი, მაღალალკოჰოლიანი (14,5%), ხანგრძლივი დაბოლოებით. ძალიან ძლიერი ტანინებით. საფიქრებელია, რომ ღვინოს შენახვის კარგი პოტენციალი ექნება.
© ღვინის კლუბი/vinoge.com