ეს ღვინო იკანოს ოთხეულის კიდევ ერთი წარმომადგენელია. ლეჩხუმური ცოლიკოურიდან და კახური სოვინიონ ბლანიდან დაყენებული ნახევრადტკბილი ღვინო, რომელიც ჩალისფერით და სასიამოვნო ტკბილი სურნელებით გამოირჩევა (ხილის ყვავილები, მაისის თაფლი, ბისკვიტი, ლიმნიანი ნამცხვარი). გემოზე სიტკბო და მჟავიანობა სასიამოვნოდ ერწყმის ერთმანეთს. შეგახსენებთ, იკანო ახალგაზრდული კონცეფციის მქონე ბრენდია თამამი მარკეტინგული სვლებითა და ღვინის სნობიზმის წინააღმდეგ მიმართული მხიარული დევიზებით.
© ღვინის კლუბი/vinoge.com