თელავის რაიონში, სოფელ კონდოლში მოყვანილი საფერავიდანაა ღვინო დაყენებული ტრადიციული წესით, ქვევრში. შინდისფერი, ახალგაზრდა ღვინოა ღოღნაშოსა და მწიფე წითელი ტყემლის ხალასი არომატებით. გემოზე მაღალმჟავიანია, გამჭოლი ხასიათი აქვს და საკმაო ალკოჰოლი (13,5%). კარგად მოიხდენს სხვადასხვა ხორციან კერძს, მწვადიდან დაწყებული – პამიდორში ჩაშუშული ხორცით დამთავრებული. ძალზე საინტერესოა რა დადგება ამ გემრიელი ღვინიდან 4–5 წელიწადში.
© ღვინის კლუბი/vinoge.com