გასული წლის, ახალგაზრდა, ძალზე ხალასი საფერავია. კარდანახის სახელოვანი, ახოების ზვრებში მოყვანილი. ფერზე ინტენსიური, მუქი ჟოლოსფერია, ახალგაზრდა ღვინისთვის დამახასიათებელი პირველი სურნელებით, სადაც წამყვანია მცენარეული (წიწვოვანები, პიტნა, ანწლი) და ახალი შავი ხილის (მწიფე წითელი ტყემალი, კვრინჩხი) ტონები. ხალასი, მაღალმჟავიანი, ტანინებიანი ღვინოა, გემოში სხვადასხვანაირი ნიუანსებით. სასურველია, თუკი რამდენიმეწლიანი დავარგების შემდეგ დავლევთ ამ ღვინოს.
© ღვინის კლუბი/vinoge.com