ახმეტის რაიონში, მატანში, მდინარე ალაზნის მარჯვენა ნაპირზე მოწეული ქისიდანაა ეს ღვინო დაყენებული. ელვარე ქარვისფერია. ძალიან ეფექტური, ქისის მოყვარულებისთვის კარგად ნაცნობი არომატები აქვს – გადამწიფებული ჭერამი, ვაშლის ჩირი, ზაფრანა, ქართული და ტკბილი სუნელები. ახალგაზრდა, ენერგიული ღვინოა სასიამოვნო მჟავიანობით. ალკოჰოლი 13% აქვს. ღვინოს საკმაოდ ხანგრძლივი დაბოლოება აქვს და დასავარგებლადაც კარგი იქნება.
© ღვინის კლუბი/vinoge.com