ასაკის (ერთი წლის ღვინოა) მიუხედავად, ღვინოში დავარგების მცირედი კვალიც ჩანს. გარეგნობაშიც და სურნელშიც. სასიამოვნო გამჭვირვალობის მქონე ალუბლისფერი ღვინოა, რკალში მცირედი ძოწისფერით. პირველ არომატებში მუხის და შავი ხილის შერწყმულ ტონებს იგრძნობთ, რომელიც დაგემოვნებისას კიდევ უფრო ცხადი ხდება და შავი ქლიავის ჩირისა და სხვა მწიფე ტონებით ივსება. საკმაოდ ძლიერი (14%) ღვინოა, თუმცა ამავე დროს დახვეწილი, მუხის მძლავრი დაბოლოებით.
© ღვინის კლუბი/vinoge.com