საქართველოს ღვინის კლუბმა და ღვინის საინფორმაციო ცენტრმა რთველი 2015-ის მიმდინარეობის პარალელურად რთვლის გამოწვევების გარშემო საზოგადოებრივი აზრის გამოკითხვა დაიწყო.
რთვლის პერიოდში კვირაში ერთხელ სხვადასხვა თემაზე კლუბი ჩაატარებს გამოკითხვებს, რომლის მიზანია, ერთი მხრივ, სოციალური ქსელის მომხმარებელთა აზრის შესწავლა მევენახეობა-მეღვინეობის დარგში წამოჭრილი პრობლემების გარშემო, მეორე მხრივ, საზოგადოების სხვადასხვა წრეებს შორის აზრთა გაცვლა და უკუკავშირის გაღრმავება.
გამოკითხვებში მონაწილეობა შეეძლება ნებისმიერ მსურველს Google ანგარიშით. ერთი ანგარიშიდან შესაძლებელი იქნება გამოკითხვაში, მხოლოდ ერთჯერადი მონაწილეობა. კვლევა ანონიმური და გამჭვირვალე იქნება. მონაწილეებს წვდომა ექნებათ პასუხების ზოგად სტატისტიკაზე.
საქართველოს ღვინის კლუბი და ღვინის საინფორმაციო ცენტრი ამგვარი გამოკითხვებით მედიატორის როლს შეასრულებს სახელმწიფო ორგანიზაციებს, მის ბენეფიციარებსა და საზოგადოებას შორის კომუნიკაციის პროცესში.
პირველი გამოკითხვა შეგიძლიათ, იხილოთ ბმულზე.
© საქართველოს ღვინის კლუბი, ღვინის საინფორმაციო ცენტრი.