თორმეტი მისხალი წებო დახიეთ, ჩაყარეთ ქვაბში; დაასხით ერთი სტაქანი წყალი, გააცხელეთ, რომ წებო გადნეს; სტაქან-ნახევარი შაქარი ჩააყარეთ; ორი გირვანქა კარგი მწიფე ნესვი გაფრცქვენით, წვრილად დასჭერით, ერთი სტაქანი კარგი თეთრი ღვინო დაასხით, ნახევარი ლიმონი ჩააწურეთ და გაწურეთ; დაასხით წებოს ორი კვერცხის ცილა, გათქვიფეთ, ჩაასხით, აადუღეთ, კიდევ გაწურეთ; ოთხი სტაქანი წვენი უნდა დადგეს. ჩაასხით ფორმაში და ისე მოიქეცით, როგორც ზემოთ არის აღწერილი.
მასალად საჭიროა: წებო - თორმეტი მისხალი, წყალი - ერთი სტაქანი, ღვინო თეთრი - ერთი სტაქანი, ლიმონი - ნახევარი, შაქარი - სტაქან-ნახევარი, ნესვი - ორი გირვანქა, კვერცხის ცილა - ორი.
ბარბარე ჯორჯაძე
