ეს თელავის მარნის მორიგი ვინტაჟის მუკუზანია, ალუბლისფერი, საშუალოდ ინტენსიური შეფერვით. პირველივე სურნელებში იგრძნობა მუხისა და შავი კენკრის შერწყმული არომატები. დაგემოვნებისას მუხის გავლენა უფრო ზომიერი ხდება, იგრძნობთ დავარგებული ღვინისთვის დამახასიათებელ სასიამოვნო, რბილ ტონებსაც - ლეღვის ჩირი, ქლიავის ჯემი და სხვ. საუკეთესოა მაყალზე ან გრილზე შემწვარ ხორცთან.
© მალხაზ ხარბედია, ღვინის კლუბი, ქართული ღვინის გზამკვლევი - 2014