პოლონეთში, ქალაქ სვინოუისცესთან ახლოს, ორმა მკვლევარმა მესამე რაიხისდროინდელ ბუნკერში შეაღწია. მკვლევარები ირწმუნებიან, რომ უკვე 70 წელია ამ დერეფანში ადამიანს ფეხი არ დაუდგამს. მათ მიერ ნაპოვნ ნახევრადდამპალ ყუთებში, საბრძოლო აღჭურვილობის გარდა, ბორდოული ღვინის ორი ბოთლიც აღმოჩნდა: 1938 წლით დათარიღებული წითელი ღვინო Chateaux Grand Barrail Lamarzelle და 1939 წლის თეთრი Chateau Latour-Martillac. მართალია, ღვინის შესანახად მიწის ქვეშ იდეალური პირობებია ხოლმე, მაგრამ შეიძლება სასმელი გაფუჭებულიც კი იყოს. ღვინო დასალევად უვარგისიც რომ გამოდგეს, იტორიკოსებისა და კოლექციონერების უდიდეს ყურადღებას მაინც მიიპყრობს.
© ღვინის კლუბი /Weekend