კომპანია Greatest Wine Glasses-მა ღვინის მოყვარულებს ახალი ბოკალი წარუდგინა, რომელსაც სპეციალური ჭრილი აქვს ცხვირისთვის. ტრადიციული ფორმის ბოკლები ცოტა მოუხერხებელია იმისთვის, რომ ღვინის მოყვარულმა სრულად შეიგრძნოს სასმლის არომატი და ბოლომდე ისიამოვნოს, - აცხადებენ კომპანიის წარმომადგენლები. მათი თქმით, ახალი ტიპის ბოკალი ღვინის დეგუსტაციის პროცესს უფრო გაამარტივებს და ეფექტურს გახდის, რადგან სასმლის არომატის აღქმა და მთლიანობაში მისი შეფასება უკეთ იქნება შესაძლებელი. ახალი ტიპის ბოკლების საცალო ფასი, სავარაუდოდ, 50 დოლარი იქნება.
© ღვინის კლუბი /Weekend