ყვარლის რაიონში, მდინარე დურუჯის ნაპირებზე, სამების ზვრებში მოყვანილი ქისიდანაა ღვინო დაყენებული, ტრადიციული კახური წესით, ქვევრებში. საკმაოდ ხასიათიანი ღვინოა, სქლად ისხმება, გამოირჩევა თაფლის და ქაცვის სურნელებით. ასევე იგრძნობთ ტკბილი სუნელების არომატებსაც. გემოზე რბილია, დამდგარი. დაბალანსებული ღვინოა, სასიამოვნო დაბოლოებით. კარგი მისაყოლებელი იქნება ხორციან სალათებთან.
© vinoge.com