ახმეტის რაიონში, ბეთაანში მოყვანილი ქისიდანაა ეს ღვინო დაწურული. ინტენსიური ქარვისფერია, ჩაისფერიც კი ეთქმის. პირველივე სურნელში ბერგამოტის ჩაის, ტკბილი სუნელებისა და ჩირის მძლავრი არომატები მოდის, რომელიც დაგემოვნებისას მუხის ტონებითა და მცირედი პიკანტური არომატებით ივსება (ტყე, სოკო, ნეშომპალა). ღვინო მუხის კასრშია დადუღებული და აკაციის კასრშია დავარგებული. ძალზე საინტერესო, საკმაოდ ძლიერი (13%) და გამორჩეული ქისია, ჭაჭაზე და მცირე რაოდენობით კლერტზე დაყენებული. საუკეთესო მისაყოლებელი იქნება მაყალზე შემწვარ მძიმე ხორციან კერძებთან, მაყალზევე შემწვარ ბოსტნეულთან, განსხვავებით შედარებით ელეგანტური ქისებისგან, რომელიც კარგად მიდის შეკმაზულ ცივ ხორცეულთან და სხვ. მსუბუქ კერძებთან.
© vinoge.com