საჭირო მასალა: 6 ცალი ბადრიჯანი, 2 ცალი კარტოფილი, 1 ცალი დიდი სტაფილო, 4 ცალი პამიდორი, 2 თავი ხახვი, 1 ცალი მწვანე წიწაკა, 2 ჩ.კ. კარის ფხვნილი, 4 კბილი ნიორი, 3 ს.კ. კარაქი ან ზეთი, 4 ს.კ. ფქვილი, 1 კვერცხის გული, შაშკვლავის ფოთლები – მოსართავად, მარილი,
პილპილი – გემოვნებით.
მომზადება: კარტოფილი და სტაფილო დავჭრათ, დავასხათ წყალი და მოვხარშოთ. შემდეგ გადავწუროთ, დავუმატოთ მარილი, კარის ფხვნილი, კვერცხის გული, ფქვილი, კარაქი და ჩავზილოთ. თითოეული ბადრიჯანი 6-7 ადგილას ღრმად ჩავსეროთ და ჩასერილ ადგილებში მარილი მოვაყაროთ. მომზადებული პიურე ჩაჭრილ ადგილებში მოვათავსოთ. პამიდორს კანი გავაცალოთ და წვრილად დავჭრათ, დავუმატოთ ალყა-ალყა დაჭრილი ხახვი, მარილი და წვრილად დაკეპილი ნიორი და წიწაკა. ფორმას წავუსვათ დარჩენილი კარაქი, ჩავდოთ პამიდვრის პიურე, ზედ დავაწყოთ ბადრიჯნები და დაახლოებით 35-40 წუთით 200 გრადუსზე გახურებულ ღუმელში შევდგათ.
© ღვინის კლუბი /Weekend