საჭირო მასალა: 60 გ ველური ბრინჯი, 20 გ რბილი გარგარის ჩირი, 1 კბილი ნიორი, 3 ღერი მწვანე ხახვი, 250 გ ქათმის ფილე, 2 ს.კ. ზეთი, 100 მლ ვაშლის წვენი, 2 ს.კ. სოიის სოუსი, 4 ს.კ. წვრილად დაკეპილი ქინძი, დაღერღილი წიწაკა, მარილი – გემოვნებით.
მომზადება: ბრინჯი მოვხარშოთ შეფუთვაზე მითითებული ინსტრუქციის მიხედვით. გარგარის ჩირი წვრილად დავჭრათ. ნიორი დავკეპოთ. ხახვის თეთრი და ღია სალათისფერი ნაწილი თხლად დავჭრათ. ქათმის ფილე 1 სმ ზომის ნაჭრებად დავჭრათ და გაცხელებულ ზეთში შევბრაწოთ. მოვაყაროთ მარილი, ნიორი, გარგარი და ხახვი. მსუბუქად მოვშუშოთ. დავასხათ ვაშლის წვენი. დავუმატოთ გადაწურული ბრინჯი, სოიის სოუსი, დაღერღილი წიწაკა, ქინძი და ამოვურიოთ.
© ღვინის კლუბი /Weekend