ლონდონში, სასტუმრო Ritz-ში მდებარე ბარ Rivoli-ში თუ მოხვდებით, აუცილებლად შემოგთავაზებენ კოქტეილს Tallulah. კოქტეილი XX საუკუნის ცნობილი ამერიკელი მსახიობის ტალულა ბენკჰედის პატივსაცემად დამზადდა. ოდესღაც მსახიობი ამ სასტუმროში ისვენებდა და ჟურნალისტებთან პრესკონფერენციისას შამპანურს საკუთარი ფეხსაცმლიდან მიირთმევდა. კოქტეილს შამპანურის, იაპონური ღვინო Soshu-ს, თეთრი ჩინზანოს, ჟასმინის ჩაისა და გერანის ესენციისაგან ამზადებენ და ვინტაჟის სტილის სუნამოს ფლაკონში ასხამენ. ბარის სტუმრებს არჩევანის საშუალება აქვთ – შეუძლიათ კოქტეილი ჩვეულებრივი ბოკალით მიირთვან ან ბროლის ფეხსაცმლიდან დააგემოვნონ. აღსანიშნავია, რომ ფეხსაცმელი-ჭურჭელი სამახსოვროდ მომხმარებელსვე რჩება.
© ღვინის კლუბი /Weekend