საჭირო მასალა: 250 გ კიტრი, 1 კბილი ნიორი, ნახევარი ლიმონი, 150 გ იოგურტი, 2 ს.კ. ზეითუნის ზეთი, 500 გ ცუკინი, 2 ცალი ტკბილი წიწაკა, 1 თავი ხახვი, 250 გ პეკინური კომბოსტო, 1 ს.კ. გიროს სანელებელი (ბერძნული სანელებლების ნაკრები), მარილი, პილპილი, დაღერღილი წიწაკა – გემოვნებით.
მომზადება: კიტრი გავფცქვნათ, სიგრძეზე გავჭრათ, თესლი ამოვაცალოთ კოვზით და მსხვილად გავხეხოთ ან ძალიან თხელ, მოგრძო ნაჭრებად დავჭრათ. გახეხილ კიტრს მოვაყაროთ მარილი და 15 წუთი დავტოვოთ. ნიორი წვრილად დავკეპოთ. ლიმონი გამოვწუროთ, ავურიოთ იოგურტი, 1 ს.კ. ზეითუნის ზეთი, 2 ს.კ. ლიმონის წვენი, იოგურტი, დაღერღილი წიწაკა და მარილი. კიტრი გავწუროთ და შევურიოთ დანარჩენ ინგრედიენტებს. ცუკინი და ხახვი გავფცქვნათ. წიწაკას ამოვაცალოთ თესლი. პეკინური კომბოსტო და გარჩეული ბოსტნეული თხლად დავჭრათ. წიწაკა და სტაფილო დარჩენილ ზეთში 3-4 წუთი ვშუშოთ. დავუმატოთ ჯერ ცუკინი და კომბოსტო, ხოლო 2 წუთში ხახვი და წვრილად დაჭრილი ნიორი. მოვაყაროთ გიროსის სანელებელი, მარილი, პილპილი და მოვასხათ იოგურტის სოუსი დარჩენილ ლიმონის წვენთან ერთად.
© ღვინის კლუბი /Weekend