მომხმარებელთა 70%-ს წარმოდგენაც არ აქვს, როგორ შეარჩიოს ღვინო, თუმცა ბევრი მათგანი თავს ამ საქმის ექსპერტად ასაღებს. ბრიტანული ფონდის Wine and Spirit Education-ის მკვლევარებმა სოციოლოგიური კვლევა ჩაატარეს და გაარკვიეს, რომ მაღაზიაში შესული მომხმარებელი ღვინოს ეტიკეტისა და ცნობადი სახელის მიხედვით, რესტორანში კი – ფასის (ანუ დაბალი ფასის) მიხედვით ირჩევს. აღსანიშნავია, რომ ღვინის მოყვარული ქალბატონების 75%-მა ამ სასმელის შესახებ თითქმის არაფერი იცის. ღვინოზე ასევე არანაირი წარმოდგენა არ აქვს ღვინის მოყვარული მამაკაცების ორ მესამედს. თუმცა, ქალბატონებისაგან განსხვავებით, რომლებიც სულაც არ მალავენ თავიანთ არცოდნას, მამაკაცები ხშირად იტყუებიან და თავს ამ სფეროს დიდ ექსპერტებად ასაღებენ. მეცნიერებმა ამ საკითხსაც მოუძებნეს ახსნა – როგორც ირკვევა, თუ მამაკაცი კარგად ერკვევა ღვინოებში, ის ქალბატონებისათვის უფრო მიმზიდველი ხდება, ხოლო თუ ქალი კარგადაა გათვითცნობიერებული ამავე საკითხში, მამაკაცები მას ეჭვის თვალით უყურებენ.
© ღვინის კლუბი /Weekend