ქვევრში, ტრადიციული წესით დაყენებული საფერავია. საკმაოდ ინტენსიური შეფერვის და ცოცხალი გარეგნობის ღვინოა, შინდისფერი. ქვევრში დადუღების შემდეგ ღვინომ 2 წელი მუხის კასრებში გაატარა. პირველ სურნელებში მოხალული ნიგვზისა და ჩახარშული ალუბლის ტონებს იგრძნობთ, დაგემოვნებისას კი ძლიერი ტანინები და მაღალი მჟავიანობა გამოდის წინა პლანზე. დაბოლოებაში იგრძნობთ ნეშომპალის და იის სურნელებსაც. ძალზე საინტერესო, ენერგიული ღვინოა, ხანგრძლივი დაბოლოებით.
© ღვინის კლუბი /Weekend