ოზურგეთის მუნიციპალიტეტის საკრებულოსა და გამგეობის თანამშრომლებმა ყვარელში 25 ტონა "რქაწითელის" ჯიშის ყურძენი შეიძინეს.
ოზურგეთის მუნიციპალიტეტის საკრებულოსა და გამგეობის თანამშრომლებმა ყვარელში 25 ტონა "რქაწითელის" ჯიშის ყურძენი შეიძინეს.
როგორც რადიო "ჰერეთს" ოზურგეთის მუნიციპალიტეტის საკრებულოს თავმჯდომარემ, ვლადიმერ სურგულაძემ განუცხადა, კახეთში შეძენილ ყურძენს ოზურგეთის საკრებულოში დაწურავენ.
"ყვარელში თვითონ ვიყავი ჩასული და სოფლებში ხარისხიანი ყურძენი შევარჩიეთ, რომელიც თუ ამინდმა ხელი შეგვიწყო ორ დღეში ოზურგეთში უნდა იყოს. გარდა ამისა, საკრებულოს განკარგულებით, ქალაქ ოზურგეთში გახსნილია და მოქმედებს კახური ყურძნის გასაყიდი ადგილები. ვფიქრობთ ყოველივე ამით ხელს შევუწყობთ კახელ მევენახეებს მოსავლის რეალიზაციაში" - აცხადებს ვლადიმერ სურგულაძე.
როგორც რადიო "ჰერეთს" გაზეთ "გურია ნიუსიდან" აცნობეს, ოზურგეთში კახური ყურძენი პარასკევს, 3 ოქტომბერს შეიტანეს და მყიდველიც მრავლად არის.