საჭირო მასალა: 200 გ გახეხილი მაგარი ყველი ჩედერი, 0,5 ჭიქა მაიონეზი, 1,5 ჩ.კ. მარცვლოვანი მდოგვი, 0,5 ჩ.კ. მდოგვის ფხვნილი, 0,5 ჩ.კ. ძმარი, 1/4 ჩ.კ. ზღვის მარილი, 1/4 ჩ.კ. ახალდაფქული შავი პილპილი, 1,5 ს.კ. დაკეპილი ოხრახუში, 0,5 ჭიქა პაპრიკა, 2 ს.კ. სქელი ნაღები, 2 ს.კ. თეთრი ღვინო, პილპილი – გემოვნებით, დაჭრილი ჭვავის პური – მისატანებლად.
მომზადება: ავურიოთ გახეხილი ყველი, მაიონეზი, მარცვლოვანი მდოგვი და მდოგვის ფხვნილი, ძმარი, მარილი, პილპილი, პაპრიკა, ოხრახუში და ბლენდერით დავაქუცმაცოთ. სქელძირიან პატარა ქვაბში მოვათავსოთ ეს მასა, დავუმატოთ ღვინო, ნაღები და დაბალ ცეცხლზე გავაცხელოთ. ვურიოთ, რომ არ დაიწვას. როდესაც დუღილს დაიწყებს, 1 წუთი დავაცადოთ და შემდეგ ცხელ-ცხელი, ქვაბითვე მივიტანოთ სუფრაზე. მივირთვათ პურის ნაჭრებთან ერთად.
© ღვინის კლუბი /Weekend