ლიქიორისა და არყის იაპონური კომპანია და სარეკლამო სააგენტო TBWA/Hakuhodo ვისკის მოყვარულებს სიახლეს სთავაზობენ – ისინი ყინულისაგან მინიატურულ ქანდაკებებს ამზადებენ სასმლის ჩასაცივებლად. ყინულის ფიგურების შესაქმნელად 3D ტექნოლოგია გამოიყენება. ახლა უკვე შეგვიძლია ვისკი ჩავაციოთ ყინულით, რომელსაც თავისუფლების ქანდაკების, ასტრონავტის ან სულაც იაპონური პაგოდის ფორმა აქვს. ყინულის ასეთი ფიგურების შესაქმნელად კომპანია ადგილობრივ წყაროს წყალს იყენებს. ფიგურების დიზაინი კი იაპონელ არქიტექტორს ეკუთვნის, რომელიც გამოცხადებულ კონკურსზე უპირობო ლიდერი აღმოჩნდა.
© ღვინის კლუბი /Weekend