საჭირო მასალა: 200 გ გარჩეული, მოხარშული კრევეტები, 1 ცალი ლიმონი, 2-3 ღერი კამა, 1 ს.კ. ზეთი, 1 კონა ახალი ბოლოკი, 1 ცალი კიტრი, 4 ს.კ. მაიონეზი, 2 ს.კ. კეტჩუპი, 1 ს.კ. ბრენდი ან კონიაკი, მარილი – გემოვნებით.
მომზადება: ლიმონი ცხელ წყალში გავრეცხოთ და ნახევარს მოვაცილოთ ცედრა, შემდეგ გავჭრათ და ცედრამოცილებული ნახევარი გავწუროთ. კამა გავრეცხოთ და გავაშროთ, შემდეგ წვრილად დავჭრათ. 1 ს.კ. ლიმონის წვენი, ცედრა, კამა, ზეთი და კრევეტები ერთად ავურიოთ და 30 წუთი მაცივარში შევდგათ. ბოლოკი პატარა კუბებად დავჭრათ. კიტრი სიგრძეზე გავჭრათ, ამოვაცალოთ თესლი და ისიც პატარა კუბებად დავჭრათ. მაიონეზი, კეტჩუპი და ბრენდი ავურიოთ, მოვაყაროთ მარილი. კრევეტები ბოკლებში გადავანაწილოთ, დავასხათ ცოტა სოუსი, შემდეგ კიტრი და ბოლოკი დავუმატოთ და დარჩენილი სოუსი მოვასხათ.
© ღვინის კლუბი /Weekend