ვერსალის სასახლე - უწინ ფრანგ მონარქთა რეზიდენცია და დღეს მსოფლიოს ერთ-ერთი ყველაზე პოპულარული ღირსშესანიშნავი ადგილი - გურმანთათვის საყვარელი პროდუქტების გამოშვებას იწყებს. მარკა Château de Versailles Epicerie Fine რამდენიმე სახის დელიკატესის წარმოებას გეგმავს: სოუსები, წვნიანები, ფუა-გრა, ჯემები, კონსერვირებული ხილი და ბოსტნეული. სასახლიდან დაგზავნილ პრეს-რელიზში მითითებულია, რომ პროდუქტების არჩევისას მათ “მეფე-მზის”, ლუი XIV-ის გემოვნება გაითვალისწინეს. მისი მეფობისას ხომ სასახლის მახლობლად ბოსტანი იყო გაშენებული, სადაც იმ დროისათვის იშვიათი და უცხო ბოსტნეული მოჰყავდათ. ვერსალური დელიკატესები პარიზის მაღაზიებში ამ შემოდგომაზევე გაიყიდება, მომავალი წლიდან კი მსოფლიოს ყველა აეროპორტსა და ფეშენებელურ გასტრონომში შეხვდებით.
© ღვინის კლუბი /Weekend