თუ გვსურს, ჯანმრთელი გული და სისხლძარღვები შევინარჩუნოთ, მსოფლიოს კარდიოლოგთა რჩევით, კვების რაციონიდან ცხიმი უნდა ამოვიღოთ. ნიუ-იორკელ კარდიოლოგ ჯეიმს დინიკოლანტონიოს კი მიაჩნია, რომ ეს მოსაზრება უკვე მოძველდა და სინამდვილეში ცხიმი სულაც არ არის გულისათვის საზიანო. დიდი ხნის კვლევა-ძიების შემდეგ, ექიმმა ვერსად მიაკვლია იმის დამადასტურებელ საბუთს, რომ ცხიმის შეზღუდვა გულ-სისხლძარღვთა დაავადებებს ამცირებს. სამაგიეროდ, თვალნათელი შედეგი მიიღება მაშინ, როცა ადამიანი რაციონიდან იღებს შაქარსა და ნახშირწყლებს. ექიმი ამტკიცებს, რომ ათეროსკლეროზი, დიაბეტი, გაცხიმოვნება და გულ-სისხლძარღვთა ის დაავადებები, რაც ასე ფართოდ არის გავრცელებული განვითარებულ ქვეყნებში, შეიძლება სწორი კვებით დარეგულირდეს. მთავარია, დავივიწყოთ ძველი რეკომენდაციები და ნუღარ გავექცევით ნურც ცხოველურ და ნურც მცენარეულ ცხიმებს. უმთავრესი რამ, რისიც მართლა უნდა გვეშინოდეს, ეს არის შაქარი, ნახშირწყლები და რაფინირებული პროდუქტი.
© ღვინის კლუბი /Weekend