საჭირო მასალა: 500 გ სატაცური, 1 ცალი ცხარე წიწაკა, 1 კბილი ნიორი, 20 გ პარმეზანი, 1 კონა რეჰანი, 4 ღერი ოხრახუში, 2 ს.კ. ზეთი, 5 კვერცხი, მარილი, პილპილი – გემოვნებით.
მომზადება: სატაცური გავრეცხოთ და 3 სმ სიგრძის ნაჭრებად დავჭრათ. წიწაკა სიგრძეზე გავჭრათ, ამოვაცალოთ თესლი და ნიორთან ერთად დავკეპოთ. პარმეზანი გავხეხოთ. მწვანილი წვრილად დავჭრათ. ტაფაზე გავაცხელოთ ზეთი, დავუმატოთ სატაცური და 5 წუთის განმავლობაში ვშუშოთ. დავუმატოთ ნიორი და წიწაკა. კვერცხი ავთქვიფოთ, დავუმატოთ დაჭრილი მწვანილი, ყველი, მარილი და პილპილი. კვერცხი დავასხათ სატაცურს და თავდახურული დაბალ ცეცხლზე 8-10 წუთის განმავლობაში შევწვათ.
© ღვინის კლუბი /Weekend