საჭირო მასალა: 2 თავი ხახვი, 4 ღერი ოხრახუში, 400 გ თევზის ფილე, 8 ს.კ. საფანელი, 1 კვერცხი, 1 ს.კ. ლიმონის წვენი, 4 ცალი სალათის ფოთოლი, 1 პამიდორი, 1 კიტრი, 2 ს.კ. ზეთი, 4 ცალი საბუტერბროდე ფუნთუშა, 4 ს.კ. მაიონეზი, 1 ს.კ. კეტჩუპი, წიწაკა, მარილი – გემოვნებით.
მომზადება: ხახვი და ოხრახუში წვრილად დავჭრათ, თევზის ფილეს 2/3 ნაწილი ხორცსაკეპ მანქანაში გავატაროთ, დანარჩენი წვრილად დავჭრათ. ყველა ინგრედიენტი ავურიოთ, მოვაყაროთ მარილი, პილპილი, 4 ს.კ. საფანელი, შევურიოთ კვერცხი და ლიმონის წვენი. მასა 1 საათით მაცივარში მოვათავსოთ. ხახვი, პამიდორი და კიტრი დავჭრათ. სალათის ფოთლები გავრეცხოთ. კეტჩუპი და მაიონეზი ავურიოთ. თევზის ფარშისგან კაკლისოდენა ბურთულები გავაკეთოთ, ამოვავლოთ საფანელში და ზეთში შევწვათ. პურის ნაჭრებზე მოვათავსოთ სალათის ფოთლები, პამიდორი, თევზის ტეფტელი, კიტრი, ხახვი და მოვასხათ მაიონეზისა და კეტჩუპის ნარევი.
© ღვინის კლუბი /Weekend