საჭირო მასალა: 1 თავი ხახვი, 1 კბილი ნიორი, 1 პატარა კონა ოხრახუში, 150 გ ნიჟარის ფორმის პასტა, 1 ქილა დაკონსერვებული სიმინდი, 4 ს.კ. ზეთი, 1 ცალი პატარა ლიმონი, მარილი, დაღერღილი წიწაკა – გემოვნებით.
მომზადება: ხახვი და ნიორი წვრილად დავჭრათ. წვრილად დავჭრათ ოხრახუში. პასტა მოვხარშოთ მდუღარე მარილიან წყალში და გადავწუროთ, ცოტა ნახარში შევინახოთ. ტაფაზე გავაცხელოთ ზეთი, დავუმატოთ სიმინდი და 3 წუთის განმავლობაში ვშუშოთ, დავაყაროთ ხახვი, ნიორი და 3 წუთი კიდევ ვშუშოთ. შევურიოთ დაჭრილი ოხრახუში, მარილი, წიწაკა და ლიმონის წვენი. ჩავუმატოთ პასტა და ცოტა ნახარში წვენი, კარგად ავურიოთ და გადმოვდგათ ცეცხლიდან.
© ღვინის კლუბი /Weekend