2013 წელს ესპანეთმა პირველად მოიპოვა ღვინის წარმოების მსოფლიო ლიდერის ტიტული. გასული წლის მაჩვენებელმა ყველანაირ მოლოდინს გადააჭარბა - ესპანელმა მეღვინეებმა 2012 წელთან შედარებით 41%-ით მეტი ანუ 50,5 მილიონი ჰექტოლიტრი ღვინო დაწურეს. ფრანგებსა და იტალიელებს, სამწუხაროდ, ამინდმა უმტყუნა, რის გამოც მათ უხვი მოსავალი ვერ მიიღეს. უფრო დაწვრილებით თუ განვიხილავთ ესპანეთის მოსავლიანობის საკითხს, აღსანიშნავია, რომ პირველ ადგილზე კასტილია-ლა-მანჩაა, სადაც 2012 წელთან შედარებით 64,1%-ით მეტი ანუ 31,2 მილიონი ჰექტოლიტრი დაწურეს, მეორეზე ესტრემადურა და კატალონიაა. ერთადერთი რეგიონი კი, სადაც მოსავლიანობა შემცირდა, გალისია აღმოჩნდა.
© ღვინის კლუბი /Weekend